Spinning
A World of Innovation
Weaving
The Culture of Betterment
Dyeing
The Colors of Happiness
Stitching
The Brand of Quality
Upholding
The Flag of Sustainability
Our People:
Our Prosperity
| بورڈ آف ڈائریکٹرز

بورڈ آف ڈائریکٹرز

موجودہ بورڈ آف ڈائریکٹرز آٹھ اراکین پر مشتمل ہے جن میں سے سات کو بذریعہ انتخاب چنا گیا ہے۔ اراکین کے نام درج ذیل ہیں:

جناب جوناتھن۔آر۔سائیمن ۔ نان اگزیکیٹو ڈائیریکٹر / چیئر مین

جوناتھن۔آر۔سائیمن صاحب، گھریلو اور صنعتی ٹیکسٹائیل کی انڈسٹری میں تیس برس کا تجربہ رکھتے ہیں۔ بحیثیت چیف اگزیٹوآفیسر ۱۸۸۸ ملز، ایل ایل سی، یوایس اے اور بحیثیت ڈایریکٹر لکی ۱۸۸۸ گھانا  میں اپنے فرائض منصبی انجام دے رہے ہیں۔ آپ
یونیورسٹی آف شکاگو بوتھ اسکول آف بزنس اے۔ایم۔پی، انڈیانا یونیوڑسٹی بی ایس  سے فارِغ التحصیل ہیں۔

پتہ: کینگسٹن روڈ، اوک بروک، یو۔ایس۔اے
جناب انس رحمان ۔ نان اگزیکیٹو ڈائیریکٹر / نائب چیئر مین

انس رحمان صاحب پندرہ سال سے زائد کاروباری اور صنعتی مہارت کا تجربہ رکھتے ہیں۔ دوراندیشی، نئے اور جدت آمیز کاروباری منصوبوں کی تشکیل، بہترین حکمت عملی کے ساتھ ساتھ ان کو پایہء تکمیل تک پہنچانا،کارکنان کی معاونت اوران کی بھرپور حوصلہ افرائی کرنا تاکہ وہ آگے بڑھنے اور جیت کی لگن سے سرشار ہوں اور اپنے اہداف کو کامیابی کے ساتھ پورا کرسکیں، یہ تمام صلاحیتیں آپ کی قائیدانہ سوچ کی بھرپور عکاسی کرتی ہیں۔ کاروباری حکمت عملی، مارکیٹنگ، منصوبہ بندی، انتظامی امور، پیداواری صلاحیت، انفارمیشن ٹیکنالوجی اورافرادی قوت کے شعبوں میں تجربہ اور مہارت آپ کی پیشہ ورانہ زندگی کی عکاس ہے۔

پتہ : C-3، سائیٹ، کراچی
جناب عبدا لرحمان۔ نان اگزیکیٹو ڈائیریکٹر

عبدا لرحمان یو۔ایس سے اپنی تعلیم مکمل کرنے کے بعد ٹیکسٹائیل انڈسٹری سے وابستہ ہوگئے۔ آپ 80کی دہائی سے ٹیکسٹائیل کی صنعت میں کام کررہے ہیں۔ مضبوط کاروباری اخلاقیات کے ساتھ ایک نوجوان صنعتکار کی حیثیت سے آپ نے ٹیکسٹا ئیل مصنوعات کی فروخت اور تقسیم کار ادارے ’ایسٹرن امپورٹس‘سے اپنا سفر شروع کیا اور چند ہی سالوں میں بنگلہ دیش اور سری لنکا میں پیداواری یونٹ قائم کیا۔ بین الاقوامی ترقی کی جانب قدم بڑھاتے ہوئے آپ نے یو۔ایس میں اس ادارے کے معاملات کو فروغ دیااور ایک اوراعلٰی پائے کی ٹیکسٹائیل کمپنی کے ساتھ اشتراک کی بدولت ایسٹرن شیلنور، آئی این سی، (ای ایس این) کا قیام عمل پذیرہوا۔ ای ایس این (ESN)کی کامیابی اور ترقی نے ایک اور اشتراکت کا دروازہ کھولا، ٹیکسٹائیل مصنوعات کی پیداواری صلاحیت رکھنے والے ایک اور ادارے کے ساتھ اشتراک ۸۸۸ا ملز، ایل ایل سی کی صورت میں سامنے آیاجو کہ یو۔ایس میں پیداواری سرگرمیوں کی سہولیات کا حامل ہے۔ گزرتے وقتوں میں آپ نے اپنے بیش بہا تجربے اور عالمی دنیا میں ٹیکسٹائیل کی صنعت سے متعلق اپنی وسیع و جامع معلومات کو کمپنی کے لئے نہایت بصیرت انگیزی سے استعمال کیا ہے۔ مختلف تہذیب اور معاشرت سے تعلق رکھنے والے لوگوں کو یکجا رکھنا آپ کی ایک ایسی منفرد صلاحیت ہے جو ۸۸۸ا کو عالمی سطح پر ٹیکسٹائیل کے صف اول کے پیداواری اداروں میں شامل کرتی ہے، جس کی شاخیں پاکستان، بنگلہ دیش، گھانا اور امریکہ تک پھیلی ہوئی ہیں۔ آج آپ عالمی سطح پر ایک اہم کاروباری لیڈر کی حیثیت سے پہچانے جاتے ہیں۔ آپ کی موجودہ ذمہ داریوں میں سرفہرست یو۔ایس میں ۱۸۸۸ ملز، ایل ایل سی کے’چیئرمن‘ برائے بورڈ آف مینیجرز کی حیثیت سے خدمات کی انجام دہی ہے۔

پتہ: کینگسٹن روڈ، اوک بروک، یو۔ایس۔اے
جناب خلیق الرحمان ۔ نان اگزیکیٹو ڈائیریکٹر

خلیق الرحمان صاحب ٹیکسٹائیل انڈسٹری سے چالیس سال سے وابستہ ہیں اور ٹیکسٹائیل کے شعبے کا وسیع  تجربہ رکھتے ہیں۔ جدت اور ٹیکنالوجی کے ساتھ ساتھ آپ نے اس تصور کو روشناس کروایا کہ معیار پر سمجھوتہ کئے بغیر  بھی موثر قیمت میں مطلوبہ معیاری پیداوار ممکن ہے۔ اپنی دوراندیشی، بصیرت، پیشہء ورانہ مہارت اور قابلیت کی بناء پر آپ کو ٹیکسٹائیل کی صنعت میں انتہائی عزت کا مقام حاصل ہے۔
جناب خلیق الرحمان، پاکستان انسٹٹیوٹ آف کارپوریٹ گورننس سے تصدیق شدہ ڈایریکٹر کا درجہ رکھتے ہیں۔

پتہ:  C-3، سائیٹ، کراچی
جناب پرویز احمد۔ نان اگزیکیٹو ڈائیریکٹر

پرویز احمد صاحب گزشتہ چالیس سال سے ٹیکسٹائیل کی صنعت سے وابستہ ہیں۔ پیداواری عمل، حکمت عملی اور مارکیٹنگ کے شعبوں میں اعلی درجے کی مہارت کے ساتھ ساتھ آپ بہترین اور ُدور رس سوچ کے حامل ہیں۔ کاروباری اہداف اور مقاصد کے حصول میں بھرپور طریقے سے حصّہ لینے کے علاوہ مالیاتی امور میں بھی مہارت رکھتے ہیں۔  آپ نے اداراتی حکمت عملی بنانے اور چند فیملی کمپنیز کے اشتراک میں انتہائی اہم کردار ادا کیا ہے۔

پتہ:  B-4/A,، سائیٹ، کراچی
جناب شبیر احمد۔ نان اگزیکیٹو ڈائیریکٹر

صنعت وتجارت اورٹیکسٹائیل  میں پینتالیس سال کی وابستگی رکھنے والے شبیر احمد صاحب  مالیاتی اداروں میں ’وعدوں کی پاسداری‘ کرنے والے شخص کی حیثیت سے جانے جاتے ہیں۔  آپ  اپنی آزاد حیثیت کے ساتھ ساتھ کاروباری شراکت اور  دیگر فیملی ممبران کے ساتھ مشترکہ بزنس میں بھی مصروف عمل رہے ہیں۔صنعتی اور تجارتی سرگرمیوں میں اہم کردار ادا کرنے والے شبیرصاحب  ٹیکسٹائیل کے شعبے میں بھی نمایاں مقام رکھتے ہیں۔  بحیثیت چیف اگزیکٹو اور ڈائیرکٹروہ مجموعی طور پر تمام انتظامی سرگرمیوں کے نگران ہیں۔
آپ ٹیکسٹائیل کے حوالے سے متعارف ہونے والی ہر نئی ٹیکنالوجی،بر آمد کے فروغ  کے لیے نئے مواقعوں کی تلاش، کسٹمرز کے ساتھ مذاکرات اور ان کے ساتھ معاہدوں کی تجدید میں گہری دلچسپی رکھتے ہیں۔

پتہ:  L-26، بلاک۔21، ایف۔بی انڈسٹریئل ایریا، کراچی
جناب نسیم حیدر ۔ انڈیپینڈنٹ ڈائیریکٹر

عرصہ تیس سال سے Ernst & Young کے فعال رکن جناب نسیم حیدر صاحب، اکاؤ نٹینسی، آڈٹ، ٹیکس اور کاروباری امور و معاملات پر بھرپور مہارت اور قابلیت کے حامل ہیں. پاکستان میں ٹیکس سے متعلقہ لائحہ عمل اور قانون سازی میں شرکت و بھرپور مشاورت کے ساتھ ساتھ کئی نامور صنعتی اداروں کے لئے آپ کی خدمات آپ کی قابلیت کا مُنہ بولتا ثبوت ہیں. Ernst & Young کے کئی ملکی اورعالمی سطح کے کلائینٹس کے لئے بھی آپ مشاورتی امور انجام دیتے رہے ہیں. جناب نسیم حیدر صاحب ICAP کے صدر کے طور پر خدمات انجام دے رہے ہیں. اس کے ساتھ ساتھ آپ ICAP اور CAPA میں مختلف کمیٹیوں کے نامزد رکن بھی ہیں. فیروز۱۸۸۸ ملز لمیٹڈ کے ساتھ جناب نسیم حیدر صاحب بطور چئیر مین آڈٹ کمیٹی اپنی خدمات انجام دے رہے ہیں.

پتہ: خیابانِ سحر، ڈیفینس ہاؤ سنگ اتھاورٹی، کراچی.
جناب ریحان رحمان۔ چیف ایگزیکٹوآفیسر

ٹیکسٹائل کی صنعت میں ۱۵ سالہ مہارت اور تجربہ کے حامل جناب ریحان رحمان صاحب، فیروز ۱۸۸۸ ملز کے "چیف ایگزیکٹوآفیسر" کی حیثیت سے خدمات سرانجام دے رہے ہیں۔ افرادی قوت اور ادارے کی کامیابی وترقی سے وابستہ اُمور میں آپ گہری دلچسپی رکھتے ہیں اور ان شعبوں میں انتہائی موثراور جامع اقدامات کرنے کے ساتھ ساتھ دیگر انتظامی، پیداواری اور عملی سرگرمیوں میں بھی آپ کی معلومات، قابلیت، اور مہارت قابلِ تحسین ہے۔ پاکستان انسٹِٹیوٹ آف کارپوریٹ گورننس سے تصدیق شُدہ ڈائیریکٹر کا درجہ رکھنے والے جناب ریحان رحمان صاحب مسلسل بہتری او ر سیکھنے کے عمل پہ یقین رکھتے ہیں اور اپنی پیشہ ورانہ اور قائدانہ صلاحیتوں کومزید نکھار نے کے لئے مختلف کورسز میں اپنی شمولیت کو یقینی بناتے ہیں۔

پتہ: C-3، سائیٹ، کراچی